Λαογραφικά Γλωσσικά σύμμεικτα - Τοπικό γλωσσικό ιδίωμα Τρίπολης Πόντου
Γλωσσικά Ιδιώματα - Εκ του ιδιώματος των Ελλήνων της Τριπόλεως του Πόντου
"Η εξορία"
Με τοι Τούρκους έστεκαμ' καλά, φόβο πα ΄κ̌' εβοφούμουνεστιν. Οι Τούρκοι έλεγαν εμασε: "α!!...οσήμερο θα φτάμε εσάς εξορία, α..!! αύρι'". Οι Τούρκοι έλεγαν εμασε "κιαούρ". Κ' επεκεί επήρε η Ρουσία την Τραπεζούντα κ' επεκεί έρθεν ΄ς σην Ελεού (εννοεί Ελεβή), κ' επεκεί ΄ς σην Χαρκάβαλα ΄ς σο ποτάμ' αφκά. Κ' εσύρεναν οι Ρούσοι τα κανόνια̤ ΄ς σην Τρίπολι απέσ' κ' εφοβούμουνεστιν κάπ' σκοτούμεστιν κ' επαίρεναμε τα μωρά μουν κ' εκρύφκουμνεστιν ΄ς σα μαγαζία.Οι Τούρκοι έφευαν 'ς σα χωρία τουν για να μη σκοτούνταν. Ατώρα λέγουμε εμείς : "ντο να ποίουμε και ντο νάφτάμε ; "
Ατώρα εμείς εγόρασαμε τέσσερα σανίδια̤ κ' εποίκαμε ένα λούτρι (μικρό σκάφος). Τη νύχτα 'ς σα μεσάνυχτα εφορτώθαμ' ατο κ' έσυραμ' ατο ΄ς ση θάλασσα κ' επήραμε έναν εικόνα και δύο κομμάτια̤ χαρτώματα (λεπτά σανίδια) κ' εποίκαμ' ατα κωπία κ' έσυραμ' ατα ΄ς ση θάλασσα να πάμε ΄ς ση Χαρκάβαλα ΄ς Ρούσους. Είδαν-ε εμάς-ε εκείνοι κ' εχάραν-ε κι' εποίκανε φωτία και εχλέθαμε. Εδέκαν-ε μας-ε φαί κι' έφαγαμε, έδεκαν-ε μας-ς λώματα κι' εφόρεσαμε. Απ' εκεί επήαμε ΄ς σην Ελεού κι' ερώτεσαν-ε μας-ε : "Πως έφυετε κι' έρθετεν αδά;". Είπαμε κι' εμείς : "Οι Τούρκοι θα έκοφτεναν-ε μας-ε κι' έρθαμε αδακέσ'". Ο Ρούσσον ασσήν Ελεούν έστειλε μας-ε ΄ς σην Τραπεζούνταν κι απ' εκεί επέρασαμε 'ς σην Ρουσίαν.
Πηγή: Ακαδημία Αθηνών. Λεξικογραφικόν Δελτίον, Γραμματική της Ελληνικής Διαλέκτου Του Πόντου Δ.Η. Οικονομίδου, Διευθυντού του Μεσαιωνικού Αρχείου της Ακαδημίας Αθηνών, Αθήνα 1958.
Ποντιακή Λαογραφία - Βασίλειος Β. Πολατίδης - www.kotsari.com
