• Home
  • Γλώσσα
  • Λαογραφικά Γλωσσικά Σύμμεικτα Αλή Σοφή Κάρς

Λαογραφικά Γλωσσικά Σύμμεικτα Αλή Σοφή Κάρς

αλή,σοφή,κάρς,καύκασος,καυκάσιοι,καρσλήδεςΗ Γαϊτέ και ο χορόν Σαρούγουζ

Τ' εμέτερον εκάθουνταν 'ς έναν χωρίον Μπαχραμλί τη Σεβασί τ' έλεγαν.
Έρχουτουν ο τούρκον ετουπλάευεν τη μακτάν, έρχουτουν 'ς ση μουχτάρ'. Έναν εβδομάδαν εκάθουτουν.
Ο Πίσπιλας, χωρέτες εμουν, είχεν έναν έμορφον κορίτσ', Σαρούν Γούζ, έλεγαν ά.

Εγάπεσεν ατην ατός ο τούρκον, επέν'νεν κ' έρχουτουν για τ' ατέν. 'Σ σην αρχήν με το καλόν εθέλ'νεν να 'παίρ'νεν ατην. Άμαν, ατ'ο τούρκον, παίρ' ατον;

Επεκεί ατός εθέλ'νεν να παίρ' ατην με το ζόρ'. Άτσ' πα η κουτσή επήρεν τα φιλενάδες ατ'ς, τέσσερα νομάτ΄ς και πάει ΄ς σο ποτάμ', Γουζούλ Ιρμάκ τ' έλεγαν. Επήγαν εκεικά, χορεύ'νε και τ' εμπροστά σύρ' ατέ η κουτσή. Άμον τ' εσούμωσεν ο τούρκον, ατέ η Σαρού Γούζ έρουξεν ΄ς σο ποτάμ' κ΄εφουρκίεν. Ο τετές ατ΄ς αδά έρθεν κ' επέθανεν ας σον καημόν ατ'.
Ατός, εκεί ΄ς σον καιρόν, έκλαιεν κ' έλεεν απάν' ΄ς ση γαϊτέν τ΄εξέρομε :

Πουλούτ κελίοτ οσμάϊνεν/Σαρή Γουζούν πουρούλ κεσμέϊνεν
Άτσ' κουζλάρ μεζαρινέν/αλτούν σαπλού κασμάϊνεν.
(το λίβ' έρται με τον σκοπόν/τη Σαρού Γούζ με τ' αράεμαν 'κ' ευρήκ'ς.
Πεινασμένα κορίτζια ΄ς σο ταφίν,/μακέλ' με το χρυσόν το λάβ'.
Ματθαίον τη Γαλτζάντων

 

Pin It

Print

Add comment


Security code
Refresh

ΣΧΕΤΙΚΑ ΑΡΘΡΑ