Κρωμέτ΄κα Τραγωδίας. Θέμα: Ο Ξενιτέας. Ποντιακή Εστία τεύχος 23ον Θεσσαλονίκη Νοέμβριος 1951 Συλλογή Ευτ. Σωτηριάδη
Μάνα τη νύφε σ’ φύλαξον άμον τ’ εμόν το αίμαν,
όσα φοράς ελέπ’ς ατεν, ν’ αναστορίεις εμέναν,
τρακόσα̤ τράμα̤ λάμπαδας, σ’ εικόνας θα κολλίζω,
ν’ εφτάγ’νε μ’ έναν κολαϊλούκ, θάλασσαν να περνίζω.
Κρωμέτ΄κα Τραγωδίας 14ο Μέρος. Ο Ξενιτέας. Ποντιακή Εστία τεύχος 23ον Θεσσαλονίκη 1951
Την τζάντα μ’ έσυρα σ’ ωμί μ’ και με τα δάκρα̤ εχπάστα,
εδέβ’ ασ’ σην Λαραχανήν, σο Τζεβιζλούκ εκάτσα.
Σην Τραπεζούντα ‘ντάμωσα τ’ εμέτερα παιδία
ατοίν εμέν’ ερώταναν για τ’ ούλα̤ τα χωρία,
εντάμωσα και άλλους φίλ’τς και άλλα καφατάρα̤,
άλλ’ για την Κρώμ’ ερώταναν κι άλλ’ για τα παρχάρα̤.
Δάκρα̤ ‘τρωγα, δάκρα̤ ‘πίνα κι επόνεν το καρδόπον,
ώσπου να φέρ’ με ο κατουρτζής, γράμμαν ασ’ σο πουλόπο μ’.
Εδέβασα και το χαρτίν, όλεν μοιρολογίας,
τ’ ιμσά έσανε κλάματα και τ’ άλλα διαρμενείας.
Την Δευτέραν από πουρνού σ’ σην σκάλαν ταγιανεύω,
ετέρνανέ ‘με και οι φίλ’ κι εθάρ΄ναν μασχαρεύω.
Εξέβα απάν’ σ’ σο παπόρ’ κι εκάτσα απάν’ σ’ σην τένταν,
εκλώστα ‘πίσ’ ετέρεσα, τα μέρα̤ ‘μουν ‘κ̆ι φαίν’ταν.
Το παραπάνω κείμενο είναι δείγμα αυτοσχέδιου λαϊκού τραγουδιού τα οποία συνηθίζονταν πολύ στον Πόντο. Αυτού του είδους τα τραγούδια δεν τα τραγουδούσαν, ούτε ακόμη κι εκείνα τα λεγόμενα πετυχημένα έως ότου διαδοθούν μεταξύ του λαού και καθιερωθούν να λέγονται όπως και τα παραμύθια.
Κρωμέτ΄κα Τραγωδίας. Ποντιακή Εστία τεύχος 23ον. Θεσσαλονίκη, Νοέμβριος 1951. Συλλογή Ευτ. Σωτηριάδη. Θέμα: "Ο ξενιτέας".
Ποντιακή Διαλεκτολογία - Ιστορία & Λαογραφία – Βασίλειος Β. Πολατίδης – www.kotsari.com
