Κρωμέτ’κα Τραγωδίας - Μοθοπωρν΄να Μοιρολογίας - Παλιό τραγούδι του Καθηγητού Α. Φωστηρόπουλου (Ίμερα 1921).
Φύλλα ντο κιτρινίζετεν και ρούζετ’ έναν έναν;
τα δέντρ’ αφίνετεν γδυτά και παραπονεμένα.
Ραχ̆ά ντο κλαίτε θλιβερά και δίχως παρ’γορίαν;
κι όνταν τερώ σας ‘κ̆ι επορεί να χ̆αίρετ’ η καρδία μ’
Κρωμέτ΄κα Τραγωδίας 10ο - Δημοτικά Τραγούδια Πόντου - Μοθοπωρί Μοιρολογίας
Ξεράθαν τα χορτάρα̤ ‘μουν, τ’ άνθα̤ μουν εμαρέθαν,
ερούξεν δύσα και τισ̆ά και ούλα̤ ‘καπατεύταν.
Πεγάδ͜ια π’ ετραγώδνετεν χορταροσ̆κεπαμένα,
ντο τρέχ̆ετεν λυπητερά, και είστεν πικραμένα;
Κλαίμε ντο ορφανίγαμε κι εχάθεν η χαρά ‘μουν,
κορτσόπα άλλο ‘κ̆’ έρχουνταν να πίν’ ας σα νερά μουν.
Τ
σ̆οπάνε μ’ το καβάλι σου ντο λέει μοιρολογίας,
γιατί τραγωδεί θλιβερά, τ’ έμορφον η λαλία σ’;
Κλαίω ντ’ εδέβεν (η) άνοιξη κι ερρούξαν τα φυλλόπα,
ντο άλλο ‘κ̆ι θα χ̆αίρουμαι και με τα προατόπα.
Πουλ͜ιά γιατί ‘κ̆ι χ̆αίρουζνε κι άλλο ΄κ̆ι κελαϊδείτεν;
ντ’ αφίνετεν και φεύετεν κι οπίσ’ πα κ̆ι τερείτεν ;
Άγρεν αέρα εφύσεξεν, αδά άλλο ΄κ̆ι ζούμε,
πάμε όθεν έν’ άνοιξη, όθεν τα δέντρ’ ανθούνε.
Μοθόπωρε ντο έρχ̆εσαι σ’ εμάς ούλ͜ια τα χρόν͜ια
και φυγαδεύ’ς την άνοιξην και φέρτ’ς τα κρύα χ̆͜ιόνα̤;
Εγώ κι αν φέρω χ̆ειμωγκόν κι αν φέρω άγρια χ̆͜ιόνα̤,
ξάν θα έρται η άνοιξη, θ’ έρχουν’ τα χ̆ελιδόνα̤.
Κρωμέτ'κα Τραγωδίας - Δημώδη άσματα Κρώμνης Πόντου - Μοθοπωρν΄να Μοιρολογίας - Παλιό τραγούδι του Καθηγητού Α. Φωστηρόπουλου (Ίμερα 1921). Λαογραφικόν Περιοδικόν Ποντιακή Εστία (1950). Στην ενότητα αυτών των βίντεο με τίτλο "Κρωμέτ΄κα Τραγωδίας" θα παρουσιαστούν παλιά δίστιχα της Κρώμνης, αφενός για να θυμηθούν οι παλιότεροι και αφετέρου για να μάθουν οι νεότεροι, ώστε να πατούν προσεκτικά πάνω στα βήματα των προγόνων, υιοθετώντας τον τρόπο σκέψης και γραφής των παραδοσιακών μας δημοτικών τραγουδιών. Λεζάντα της φωτογραφίας της Ίμερας απο το περιοδικό Ποντιακά Φύλλα του 1935: Γενική άποψη της ωραίας κωμοπόλεως της Ίμερας ή Γήμερας. Η Ίμερα έχει κλίμα εύκρατο και ουρανό διαυγή. Κείται δε σε απόσταση έξι ωρών από της Αργυρουπόλεως (Gumushane) και είκοσι λεπτών από της ονομαστής Κρώμνης. Αποτελείτο από επτά ενορίες και διατηρούσε πλήρες Δημοτικόν Σχολείον.
Ποντιακή Ιστορία & Λαογραφία – Βασίλειος Β. Πολατίδης – www.kotsari.com
