Κορτσόπον ασπροκόκκινον - Αργόν Τίκ - Σκοπός Χαλδίας Πόντου

Κορτσόπον ασπροκόκκινον μικρόν αρνίν,
ο πρόσωπο σ’ φωτάζει έλα-ν-έλα,
ο πρόσωπο σ’ φωτάζει πάτ’ και δέβα,

κι όσα τερώ ‘ς σον πρόσωπο σ’ μικρόν αρνίν,
έρται-ν η γη τρομάζει έλα-ν-έλα,
έρται-ν η γη τρομάζει πάτ’ και δέβα. Κορτσόπον ασπροκόκκινον - Αργόν Τίκ Χαλδίας Πόντου

Αν κάπ’ τυχαίν’ ελέπω ‘σε μικρόν αρνίν,
τ’ ομματόπα μ’ ανοίγουν έλα-ν-έλα,
τ’ ομματόπα μ’ ανοίγουν πάτ’ και δέβα,
και τα ψηλά τα ραχ̌ία μικρόν αρνίν,
ελέπ’ ατά πως σείουν έλα-ν-έλα,
ελέπ’ ατά πως σείουν πάτ’ και δέβα.

Καντούρεψες και τον Θεόν μικρόν αρνίν
και όλα̤ εσέν’ εδέκεν έλα-ν-έλα,
και ν- όλα̤ εσέν’ εδέκεν πάτ’ και δέβα,
κι’ όλα̤ τ’ άλλα τα κορτσόπα μικρόν αρνίν,
πουγαλεμένα εφέκεν έλα-ν-έλα,
πουγαλεμένα εφέκεν πάτ’ και δέβα.

Κορτσόπον ασπροκόκκινον - Σκοπός Χαλδίας Πόντου τοποθετημένος πάνω σε ρυθμό αργού Τίκ. Παίζει λύρα ο Γεωργούλης Κουγιουμτζίδης και τραγουδά ο Στάθης Ευσταθιάδης. Ευστάθιος (Στάθης) Ευσταθιάδης / Φάρος Ποντίων. Ποντιακή Λαογραφία, Ιστορία και Παράδοση.

Ποντι(α)κή Ιστορία & Λαογραφία – Βασίλειος Β. Πολατίδης – www.kotsari.com