Οφίτικα τραγωδίας (Τραγούδια απο την Οφιούντα του Πόντου)

Τ΄ όνερο της κόρης

Η κόρη είδε όνερο
ετζείτουν με τον ξένον

αντά ξυπνίεται τερεί
νέ ξένος τζέ νέ τίπο
σκούται ταράζ’ τα στρώμματα
ταράζ’ τα μαξιλάρι͜α
- Μαξιλαρόπα μ’ άκλερα
- γεργάρα̤ μ’ τζέ παρδάλα̤ μ’
- ντέ ποίτζετε τον ξένο
- τ’ άξιον παλληκάρι . . .  Οφίτικα τραγωδίας - (Τραγούδια στο τοπικό γλωσσικό ιδίωμα της Οφιούντας του Πόντου)

 Έλα φεύουμε . . .

Εγώ κόφτω χορτάρα̤
η σεβτά μ’ σα παρχάρα̤
έλα σεβτά μ’ φεύουμε
τα καπάν’ ασ̌αεύουμε
αντ’ απογυρίζουμε
ντ’ έμνουστα μυρίζουμε
κι αντά επιστρέφουμε
ντ’ έμνουστα πάλ’ τρέχουμε

Ο ποπάς κι η ποπαδία

Ο ποπάς κι η ποπαδία
πέντε μήνας έξ’ παιδία
κι άλλ’ ατόσα ‘ς σην κοιλία
Τσί – τσί τη μαμά
αύρι πάμε σον ποπά
τρώγουμε και πίνουμε
τον ποπά κρεμάνουμε
την ποπαδία κυλίζουμε

Τέρε μάνα μ’ πως χορεύω

Τέρε μάνα μ’ πως χορεύω
τζέ τ’ αντσόπα μ’ άν’ τζι σκώνω
- Έλα γραία σο χορό
- Γραία είμαι τζ’ επορώ
- συρμαπάπουτσα φορώ
- σίσκουμαι λαϊσκουμαι
- μαντηλοκρεμίσκουμαι  Όφις - Οφιούς - Οφιούντα του Πόντο. Ιστορία, Λαογραφία, Πολιτισμός, Γεωγραφία, Ήθη, Έθιμα, Γλώσσα.

Οφίτικα τραγωδίας - Πηγή Ποντιακή Εστία Ιαν 1952

Διαλεκτολογία Πόντου - Ιστορία & Λαογραφία - Βασίλειος Β. Πολατίδης - www.kotsari.com