Δημοτικά Τραγούδια Πόντου - Της Λεβεντιάς - Πάνου Λαμψίδη

Εγώ έμ’ π’ ετραγώδεσα εφτά νύχτας κ’ ημέρας,
΄ς ση Δεσποινίτσας τη χαράν, ΄ς ση Κωνσταντίν’ τον γάμον.

Εφτά ημέρας ‘ς ποδάρ’ και ξάϊ πουδέν ‘κ̆’ εκάτσα,
εφτά ημέρας ΄ς σον χορόν κι ομμάτα̤ απάν’ ‘κ̆’ έγκα.

Εφτά ημέρας τραωδώ, το στόμα μ’ ξαϊ ΄κ̆΄εστάθεν,
έναν τραβώδ’ δύο φοράς κανείς ‘κ̆΄έκ’σεν να λέω.

΄Σ σα τραβωδίας, ‘ς σο χορόν, κανείς ‘κ̆ι’ παραβγαίν’ με,
τη κόρ’ς το γλυκοτέρεμαν έκαψεν την καρδία μ’.

Πηγή: Πάνος Λαμψίδης 

Ποντι(α)κή Διαλεκτολογία - Ιστορία & Λαογραφία - Βασίλειος Β. Πολατίδης - www.kotsari.com