Ανάλεκτα Κρωμέτ’κα Τραγωδίας - Δημώδη άσματα Κρώμνης Πόντου. (Δημητρίου Κ. Παπαδόπουλου Σταυριώτη). Λαογραφικόν Περιοδικόν Ποντιακή Εστία (1950)
Κόρ’ ΄ς ση Χαντσούκας το πεγάδ’ θα κείμες και κοιμούμες,
βρέχ̆’ ο Θεόν θα βρέχουμες, παίρ’ ο Ήλεν στεγνούμες.
Έχασ’ οφρύδα̤ ‘λόμαυρα κι ομμάτα̤ άμον ελαίας,
ερούξα κι αραεύ’ ατα ‘ς ση πουλί τα φωλέας.
Παρχάρ’ αέρα φύσεξεν κάποθεν τέλα̤-τέλα̤,
κορτσόπον τα φιλέματα σ’ γλυκέα κι άμον μέλα̤.
Η κεμεντζέ μ’ κοκκύμελον τα κόρδας μεταξένα̤
ούλ’ αγαπούν τα συγγενά κι εγώ αγαπώ τα ξένα.
Μικρίκον τζα̤βαϊρ-τασ̆ήν τα μαλλόπα σ’ δελ͜ιάουν,
ς’ σον πρόσωπο σ’ που θα τερεί τ ‘ομμάτα̤ τ’ χαντιλά̤ουν.
Μικρίκον τζα̤βαϊρ-τασ̆ήν, πως έχασες την υεία σ’
ποίος θα σύρ’ την καμωνή σ’ και την αρωθυμία σ’ ;
Τα δάχτυλα σ’ κ̆ι αρωθυμώ, τα δαχτυλίδι σ’ έχω
και ασ’ σα ξανθά τα μαλλία σ’ τ’ ημσά ‘ς σην τζέπη μ’ έχω.
Εμέν’ κ’ εσέν’ που θα χωρίζ’ν ψωμίν να μη χορτάζ’νε
κάθαν βραδύν ς’ σο σπίτα̤ τουν λείμψανα να μονάζ’νε.
Κρωμέτ'κα Τραγωδίας - Δημώδη άσματα Κρώμνης Πόντου (Δημητρίου Κ. Παπαδόπουλου Σταυριώτη). Λαογραφικόν Περιοδικόν Ποντιακή Εστία (1950). Στην ενότητα αυτών των βίντεο με τίτλο "Κρωμέτ΄κα Τραγωδίας" θα παρουσιαστούν παλιά δίστιχα της Κρώμνης, αφενός για να θυμηθούν οι παλιότεροι και αφετέρου για να μάθουν οι νεότεροι, ώστε να πατούν προσεκτικά πάνω στα βήματα των προγόνων, υιοθετώντας τον τρόπο σκέψης και γραφής των παραδοσιακών μας δημοτικών τραγουδιών.
Ποντι(α)κή Ιστορία & Λαογραφία – Βασίλειος Β. Πολατίδης – www.kotsari.com