Αητένς επαραπέτανεν

Το τραγούδι είναι τοποθετημένο πάνω στον ομαλό χορό "Ομάλ'" της Τραπεζούντας ή άλλως Διπάτ' (Δύο πατήματα)

Αητέν'τς επαραπέτανεν
ψηλά 'ς σα επουράνια
Είχ̌εν τσαγγία κόκκινα
και το τσ̌αρκούλ'ν ατ' μαύρον

Εκράτ'νεν και 'ς σα κάρτζια του
παλληκαρί βραχ̌ιόνα̤ς.

Αητέ μ' για δώς με ας' σο κρατείς,
για πέει με όθεν κείται.

Ας' σο κρατώ κ̌ι δίγω 'σε,
αρ' όθεν κείται λέγω.

Ακεί 'ς 'σο πέραν το ραχ̌ίν,
'ς σ' ελάτι̤α επ' εκεί μέρος,

Τραντέλλεναν εσκότωσαν
και κείται ματωμένος,
μαύρα πουλία τρώγ'ν' ατόν
και άσπρα τριϋλίσκουν.

Φατέστε πουλία, φατέστεν,
φατέστεν τον Καρίπην,

'ς ση θάλασσα κολυμπετής,
'ς σ' ομάλια πεχλιβάνος,
'ς σον πόλεμον τραντέλλενας,
Ρωμαίϊκον παλληκάριν.