“Ασχώρετον” – Οδοιπορικός σκοπός Ανατολικού Πόντου
Σην εγκλεσίαν όντες πάς α’σχώρετον
κλώστ’ τέρεν τα ταφία όφ-όφ
΄ς σον κόσμον έν’ και θάνατος α’σχώρετον
μη καίεις τα ξένα ψ̆ήα όφ-όφ
Ασχώρετον - Οδοιπορικός σκοπός Ανατολικού Πόντου
Έκαψες το καρδόπο μου ν-α’σχώρετον
ναι σ̆κύλ’ αφορισμένον όφ-όφ
έναν βράδον ΄ς σην πόρτα σου ν-α’σχώρετον
θ’ ευρίκ’ς ‘με αποθαμένον όφ-όφ
Νυχτοημέρα για τ’ εσέν’ ν-α’σχώρετον
πάντα εγώ νουνίζω όφ-όφ
‘κ̆’ επορώ να κερδαίνω ‘σε ν-α’σχώρετον
καίουμαι και βρουλίζω όφ-όφ
Λεξιλόγιο:
Α’σχώρετον = ασυγχώρητον / χωρίς συγχώρεση
Νυχτοημέρα = νύχτα-μέρα = συνεχώς
Κερδαίνω = κερδίζω – αποκτώ
Βρουλίζω = φλογίζομαι
“Α'σχώρετον” – Οδοιπορικός σκοπός Ανατολικού Πόντου -:- Τραγουδά η Μαρία Ευσταθιάδου. Κεμεντζέ παίζει ο Γεωργούλης Κουγιουμτζίδης. Ιστορική ηχογράφηση του Συλλόγου Φάρος Ποντίων Θεσσαλονίκης (Στάθη Ευσταθιάδη).
Ποντι(α)κή Ιστορία & Λαογραφία – Βασίλειος Β. Πολατίδης – www.kotsari.com
