Πιπιλομάτενα ή Πατούλα, δημώδες άσμα και χορός του Πόντου
Την πιπιλομάτενα οϋι ανάθεμά –τενα
κι αν κ̌ι δείτε μ' ατένα, φυγαδάζομ' ατένα
Το ραχ̌ίν χ̌ονίεται παίρ' ο ήλον λύεται
κι εγω τείναν αγαπώ 'ς σον χορόν ευρίεται
Ε..! παιδία ντό λέτε; πάμε σην χαμαιλέτε
κλέφτομεν έναν κορίτσ' κάναν τιδέν μη λέτε
Δείτε το σχετικό βίντεο για το τραγούδι και το χορό της Πιπιλομάτενας ή Πατούλας
Τέρεν μάνα το παπόρ' ντ' άσ̌κεμα κουνίεται
το μικρόν τ΄αρνί μ' απέσ' φογούμαι φουρκίεται
Έλα μ' εμέν' έλα Χατούνα στέρα̤ στέρα̤
έταιρον αν θ' αγαπάς, φαρμάκωσον εμένα
Πατούλα ψή μ' πατούλα τ' εμορφάδας έειχ̌' ούλια̤
όλοι σ' εσέν' απ' οπίσ' και κάναν λόγον 'κ̌ι' δίς
Η πιπιλομάτενα έν ανοιχτομάτενα
'κ̌ι' θέλ' λέει φανερά κι αφκακέσ' χαμογελά
