Πατώ και κ̌ι βουλίζω. Δημώδες σατυρικόν άσμα Νικόπολης Πόντου
Πατώ και 'κ̌ι βουλίζω τον κόσμον 'κ̌ι' γρωνίζω
και για τ' εσέν' τρυγόνα μου ντολμάδες θα τυλίζω
Ας αφήνουμ' τα ψέματα κι ας αρχινούμ' τ' αλήθεια
ο πετεινός εγγένεσεν κι εποίκεν κολο(γ)κύθ͜ια̤
Έναν δύο κι άλλο τρία, ντ' έμορφον έν' η παντρεία
Πατώ και κ̌ι βουλίζω - Σατυρικό δημώδες άσμα Νικόπολης Πόντου
Κορτσόπον τα μαλλόπα σου απέσ' ΄ς σην κάρδια μ' κείνταν
στέρεα μ' καταρούμ' ατα ζευγάρ͜ια̤ φίδια̤ (γ)ίνταν
Εγω ντο θα φιλώ εσέν' κι εσύ ντο θα φιλείς ΄με
εγώ ας δίγω σ(ε)' ύψωμα κι εσύ μη κοινωνίεις 'μεν
Έναν πέντε κι'άλλο έξι, έπαρ' και κερίν και φέξε
Έναν κορτσόπον έμορφον εσέβεν ΄ς σο καρδόπο μ'
ν' αηλί εμέν' τον άχαρον θα σύρ' και παίρ' το ψ̌όπο μ'
Αναθεμά και τη σεβντάν άμον καρφίν καρφούται
άμον λαμπάδαν κάεται, καμμίαν 'κ̌ι΄ τελείται
Όλον χόπα όλον χόπα μη νεγκάσκουστουν κορτσόπα
Δημώδες άσμα της Νικόπολης (Καρά Χησάρ Σαρκή) του Πόντου τοποθετημένο πάνω στον ήχο Πλάγιο του Δευτέρου. Ο ρυθμός είναι πεντάσημος σύντομος.
Ποντιακή Ιστορία & Λαογραφία - Βασίλειος Β. Πολατίδης - www.kotsari.com
