Ο Τσ̌οπάνον (Τσοπάνος) με τα πρό(γ)ατα – Δημώδες Άσμα Πόντου
Σὰν ἀρχινᾶ νὰ τραγῳδῇ ὁ καρίπς ὁ τσ̌οπάνον,
ποὺ κ̌ι’ εὑρίεται σὴ χαρὰν καὶ ποὺ κ̌ί πάει σὸν μπάλον·
Ἀτὸς πά μέ τὰ πρόβατα, λάσ̌κεται σὰ ραχ̌ία.
Έναν κορίτσ’ σ’ ὄραμαν ατς ἐλέπει τόν τσ̌οπάνον,
τὴ μάνναν-α’τς παρακαλεῖ, νὰ φτάει ατονα μπᾶλον. Τσοπάνον με τα πρό(γ)ατα - Κώστας Σιαμίδης & Γιώργος Στεφανίδης
Τ’ ἄλλον τὸ βράδον προσκαλοῦν κι’ ἀτόνα σὸ τραπέζι,
λαλοῦν κι’ ἕναν κεμεντζετζὴν, τὴν κεμεντζὲν νὰ παίζῃ.
Ἐκούρεψανε τὸ τραπέζ, λέγν’ατον ἔλα φάει,
πάει ἡ κουτσ̌ὴ καὶ λέει ατον σ’ ὠτίν κρυφὰ κρυφά-ι:
«—Τσοπάνε μ’ ντὸ γιοσμάν εἶσαι! νασὰν ποὺ ἔειχ̌’’σε ἄντραν,
αὔριον ἔλα εύρον ‘με, τὰ πρόβατα σ’ κ̌ί χάν'ταν».
«— Κιὰ μὲρ’ θ’ ἀφίνω τ’ ἄκλερα μ’ κ̌ί γίνεται καμία,
ἄν θέλεις ἔλα εύρον ‘με ἀπανκεκὰ σ’ ὀρμία».
Ἀτὸ εἶπεν καὶ ἐσκῶθ’ ἀπὰν καὶ ὁ καρίπς ἐπῆγεν,
ὁ νοῦς ατ’ ἕτον σὸ κορίτς’, σὴ στράταν ἐκυλῆγεν,
Κι’ ὄνταν ἐροῦξεν ἄχαρον, ἐκούϊξεν: μαννίτσα,
τ’ ἐμὸν τὴν καρδίαν ἔκαψεν τὴ σ̌κύλλ’ ἡ τρυγονίτσα. Δημώδη άσματα Πόντου (Playlist)
Ο Τσ̌οπάνον – Δημώδες Άσμα Πόντου – Αθήνα 1948
Λεξιλόγιο; μπᾶλον = χορό/γλέντι
Ποντι(α)κή Ιστορία & Λαογραφία – Βασίλειος Β. Πολατίδης – www.kotsari.com
