Κρωμέτ'κα τραγωδίας - Συλλογή Στ. Σαλαλίδη
Η Ματσουκάτ’σα έμορφος τιμά τον πεθερόν ατς,
τα μαγ'λα τς είναι κόκκινα, λελεύω τον Θεόν ατς.
Εγώ τον κύρη μ' είπ' ατον «Τα̤τά̤ 'κ̌ι γυναικίζω».
ατώρα πουσ̌μανεύ' ατο καίγουμαι και βρουλίζω.
Εμάτ’σα τ' ομματόπα μου κι' έχ' ατά μαθεμένα,
όνταν τερούν την όμορφον δα̤κρούνε τα καϊμένα,
Εγώ όντας εγάπανα εσύ γιατί 'κ̌ εθέλ'νες,
εγώ έποινα παλαλά κι' εσύ σεΐρ ετέρνες.
Έλα πουλί μ' σ' εμέτερα αγλήγωρα κλώσ'τ κι' άμε,
οι γειτόν' μ' εγροικούν' ατο το σεβταλούκ ντ' έφταμε Κρωμέτ΄κα Τραγωδίας - Θεματικές ενότητες με δίστιχα της Κρώμνης
Σα μέσα σ' να τυλίγουμαι σαν οφειδί γιαβρόπον,
σον κόλφο σ' έχω μερτικόν 'ς σο κρεβατόπο σ' τόπον.
'Σ εμέναν σουμαδεύκεσαι άλλον πας στεφανούσαι,
στραβόν να δουκαλεύς ατον, την τσάνταν να φορτούσαι.
Τ' ομμάτια τς είν' αδά κι' εκεί, ο νους ατς 'ς σον κλεψίον,
ατέ καρδόπα έκαψεν κάμποσα 'νοματίων.
Πάντα τ' αγούρτς κατηγορούν, ιψούζ λέν' και τσαπκούνι͜α,
τη κοριτσίων κρύφ'ν ατα ντό έχνε τα γιαγκούνια!
Λελεύω σε τραντάφυλλον και Παναΐας δάκρε,
η μύρα σ' 'κ̌ι χορτάεται, ευωδία σ' 'κ̌ι χᾶται. Δημώδη άσματα Πόντου (Playlist)
Κρωμέτ'κα τραγωδίας - Συλλογή Στ. Σαλαλίδη
Πηγή: Ποντιακή Εστία 1961
Διαλεκτολογία Πόντου - Ιστορία & Λαογραφία - Βασίλειος Β. Πολατίδης - www.kotsari.com
