Κρωμέτ'κα τραγωδίας συλλογή Στεφ. Σαλλαπασίδη
Παπόρα̤ πάγ'νε κ' ἔρχουνταν ’ς σὸ τζόλ' τὴν Τραπεζούνταν,
τ' ἐσὰ τ' ὀμμάτα̤ ὄνταν τεροῦν, τ' ἐμὰ δάκρα̤ γομούνταν.
Ὀρταπογλιοῦσα κ' ἔμορφος καὶ ὀλίγον παχ̆έσσα,
τ' ὀμμάτᾶ τς εἶναι πλουμιστά, ἔν’ πολλά θαμαστέσσα.
Ἐμὲν καὶ τὸ μικρὸν τ' ἀρνί μ' ἕναν τουβάρ' χωρίζ' μας,
τὰ κρίματά ‘μουν εἶν' πολλά, κοινωνίαν κ̆ὶ ρούζ' μας.
Ἀχ! χ̆όραν νὰ ἑλέπω σε, κουτούλαν ματωμέντσαν,
νὰ κλαίς καὶ νὰ φτουλίγεσαι, τ' ἀντροῦ νὰ πᾶς κλαιμέντσα.
Τὰ τραγωδίας τὰ καλά, πάσ' κ' ἔχ' ἀτα γραμμένα,
ἀπέσ' ’ς σὴν κάρδᾶ μ' κρύφτ' ἀτά, κουβάρα̤ τυλιγμένα.
Τὰ τραγωδίας τὰ καλά, τ' ἕναν πέ, τ' ἄλλο ἄκ'σον,
τὰ ἔμορφα τὰ κόρτσοπα, τ' ἕναν φίλ', τ' ἄλλο δάκ'σον. Δημώδη άσματα των Ελλήνων του Πόντου
Τῆ μυρμήκας ὁ γάμον (σατυρικόν)
Τὰ μυρμήκας εἶχαν γάμον ’ς σὸν ψηλὸν τὸν Ἄεν-Παῦλον,
ἀρ' ὁ λύκον ζουρνατζῆς καὶ ὁ ἄρκον ταουλτζῆς,
ἡ κορώνα μαγεrεύτρα κ' ἡ κατσκάρα παρανύφ'σσα. Διαλεκτολογία Πόντου, Ιδιωματισμοί της Ποντικής Διαλέκτου, λήμματα, ερμηνεία, ετυμολογία, διηγήσεις, θρύλοι, μύθοι
Κρωμέτ'κα τραγωδίας συλλογή Στεφ. Σαλλαπασίδη - Πηγή: Ποντιακή Εστία
Διαλεκτολογία Πόντου - Ιστορία & Λαογραφία - Βασίλειος Β. Πολατίδης - www.kotsari.com
