Δημοτικό τραγούδι της Κρώμνης του Πόντου (του ΙΔ' αιώνος)

δημοτικά,τραγούδια,κρώμνης,πόντου,δρακοντοπούλια,ρωμαίϊκα,παλληκάρια̤,παρχάρια̤ ,κάτσκαμον,ταύρος,όρος,έλλενοι,δράκον,δράκοιΑπό την “Ιστορίαν της Κρώμνης” του Ι. Παρχαρίδη

Ασόν βασιλέαν χαρτίν έρθεν δράκοι δρακοντοπούλια,
δράκοι δρακοντόπουλα, Ρωμαίϊκα παλληκάρια̤.
Ζωστέστεν τα λωρίτζ̌α σουν, κρεμάστεν τα σπαθία,
δράκοι και παλληκάρια μου, επάρτεν τα ραχ̌ία,
περάστε ΄ς σα παρχάρια̤ μου, σα δύο κρύα πεγάδια̤.

Δράκοι μ’ ακούω ‘ναν λαλιάν, ελλενικόν λαλίαν,
σον Ταύρον και σον Κάτσκαμον λεβένται εκατήβαν
και σ’ άγιε μ’ Παύλε το ραχ̌ίν μεγάλ’ φωνή εξέβεν.
Εμείς έμες εφτά ‘δελφοί κι’ οι πέντε ΄μες κουρσάντοι,
εμείς τρώγαμε λέοντας, εσκότωναμ ελάφια̤.
Ζώσ̌κουμες τα λωρία μουν, κρεμάνουμε τη σπάθη,
παίρομε τα ραχ̌ά ραχ̌ά και τα παρχαρομύτια̤
΄ς σο μεσημέρ’ επρόφτασα ΄ς σου Ήλιου τα παρχάρια,
οι μαύροι εχλιμίντριζαν κι’ εσείουν τα ραχ̌ία,
είχαμε νέους Έλλενας, ρωμαίϊκα παλληκάρια̤,
επήγαμ’ ενταμώσαμε ίσα ΄ς σα Πέντε Πέτρας
Εκεί εύραμε τον Αλήν με τον Εμίρ εντάμαν :
-Αλή, ντο στέκεις αντικρύ σ΄ελλενικόν κοντάρι ;
Εσκότωσάμε τον Εμίρ και τον Αλήν επιάσαμ !
-Αλή, εσύ κ’ εγνώριζες τ’ Ελέν’κα παλληκάρια̤,
Αλή τα τοξοσάϊτα, τ’ ελλενικόν κοντάρι;
Οι δύο αν εσκοτώθαμε, οι τρίοι ξάν στέκουμ’ κάστρον.

Πηγή : Ποντιακά φύλλα τεύχος 12ον - Από την “Ιστορίαν της Κρώμνης” του Ι. Παρχαρίδη

Η φωτογραφία ελήφθη απ΄το site : Resources of change

Add comment


Security code
Refresh

ΣΧΕΤΙΚΑ ΑΡΘΡΑ