Ομάλ’ Καρσλίδικο. Σούλα Θεοδωρίδου & Γεωργούλης Κουγιουμτζίδης
Εμάρανες το ψ̆όπο μου
έκαψες την καρδία μ’ ,
ντο να ‘ίνουμαι ;
Παρακολουθείστε το σχετικό μου βίντεο κι απολαύστε το δημώδες Καρσλίδικο άσμα
Εμάτ’σες ‘με το σεβνταλούκ
να έειχ̆ την αμαρτία μ΄’
ντο να ‘ίνουμαι ;
Η σεβντά σ’ κοφτερόν μαχ̆αίρ’
και σίδερον ξαμένον
ντο να ‘ίνουμαι ;
ν’ αηλί εκείνο την καρδιάν
όθεν έν’ καρφωμένον
ντο να ‘ίνουμαι;
Εγώ εσέν ντο αγαπώ
αν ίσως λέγω ψέμαν
ντο να ‘ίνουμαι;
Το χώμαν ντο καταπατώ
να σύρ’ και πίν’ το αίμα μ’
ντο να ‘ίνουμαι ;
Στο συνημμένο βίντεο μπορείτε να ακούσετε να τραγουδά η Σούλα (Τασούλα) Θεοδωρίδου (σύζυγος του Χρύσανθου) και να παίζει λύρα ο Γεωργούλης Κουγιουμτζίδης σε μία ηχογράφηση-καταγραφή του Στάθη Ευσταθιάδη του Φάρου Ποντίων Θεσσαλονίκης
