Ίσον Χορόν (Τίκ) Κρώμνης - Σάντας - Ίμερας. Λύρα - Τραγούδι Γώγος Πετρίδης
Τη πόρτας-ισ’ τα ξύλα έτερα είν’ έτερα,
τον Θεό σ’ αν αγαπάς κόρ’ έλα ‘ς σ’ εμέτερα.
Ακεί πέραν έστεκεν την κάλτσαν ατς έπλεκεν,
είπ’ ατέν’ έλα αδακά η λαλία μ’ χαμελά.
Ίσον (Ίσιος, Όρθιος,Τίκ) Χορός Κρώμνης, Ίμερας, Σαντάς. Λύρα: Tραγούδι Γώγος Πετρίδης
Ωχ ναϊλλοί εμέν ναϊλλοί, ‘ς σο κιφάλι μ’ κάτ’ λαλεί,
ατέναν που θα φιλεί πάντα θα παρακαλεί.
Μάνα η νύφε τ’ εμόν ατέ θα φέρ’τ σεν νερόν,
‘ς σα ξύλα ατέ θα πάει ήντα̤ν λές ατέν’ θ’ εφτάει.
Αρνί μ’ παρακάλ' τον θεόν να δί͜ει ‘με και κερδίζω,
έρχουμαι και το Καλοκαίρ’ εσέν χαρεντερίζω.
Να ποδεδίζω τον Αέρ, αρ τον Περιστερών-ι,
ατόν θα βάλω μάρτυρα ντο είσαι εσύ τ’ εμόν-ι.
Που είσαι και ‘κ̆ι φαίνεσαι τ’ ομμάτι μ’ αραεύ’ ‘σεν,
ατό το μαύρον το λετσ̆έκ’ ντ’ έμορφα ιεύ’ ‘σεν.
Ατό το μαύρο το λετσ̆έκ’ αϊ, ντο δέντ’ς χαμελά-ι,
πασ̆κίμ έν’ ας σην εντροπή σ’ ασόν εξέρ’τς πολλά-ι; Σαντά (Σάντα Επαρχία Χαλδίας Πόντου - Playlist)
Λεζάντα της παραπάνω φωτογραφίας απο τα Ποντιακά Φύλλα του 1935: Γενική άποψη της ωραίας κωμοπόλεως της Ίμερας ή Γήμερας. Η Ίμερα έχει κλίμα εύκρατο και ουρανό διαυγή. Κείται δε σε απόσταση έξι ωρών από της Αργυρουπόλεως (Gumushane) και είκοσι λεπτών από της ονομαστής Κρώμνης. Αποτελείτο από επτά ενορίες και διατηρούσε πλήρες Δημοτικόν Σχολείον.
Ποντιακή Ιστορία & Λαογραφία - Βασίλειος Β. Πολατίδης - www.kotsari.com
