Κρωμέτ'κα Τραγωδίας - Δημώδη άσματα Κρώμνης Πόντου: Αφιερωμένα στην Άνοιξη (Δημητρίου Κ. Παπαδόπουλου Σταυριώτη). Λαογραφικόν Περιοδικόν Ποντιακή Εστία (1950)
Κρωμέτ'κα Τραγωδίας - Δημώδη άσματα Κρώμνης Πόντου - Αφιερωμένα στην Άνοιξη
Άρ’ έρθεν και η άνοιξη αίχτρα̤ και καλωσύνα̤
ήλεν αρχίζ’ να βασιλεύ’, τρανύν’νε τα ημέρες,
τα χ̆ιόνα̤ όλα̤ λύουνταν και τα κρυάδας χάν’νταν,
τα χ̆ιονοζώμα̤ ‘πλέθυναν τ’ ορμία ‘σελοκόφταν,
και τα ποτάμα̤ έραξαν, κουβαρά̤ουν και τρέχ’νε. Κρωμέτ΄κα Τραγωδίας 1ο - Για την Άνοιξη - Δημοτικά Τραγούδια Πόντου
Τα δέντρα εκουρούμπωσαν ένοιξαν τα τζιτζέκια,
τον Μάρτ’ ανοίν’ν τα μάραντα, Απρίλ’ τα μανουσ̆άκια.
Καλομηνά η τουτουγιά κι όλα̤ τα χ̆ελωνίτας,
τα ραχ̆ά επρασίντσανε και τα παρχάρα̤ ‘χλόϊσαν.
Ελάλεσεν το νυχτοπούλλ’ τα χ̆ελιδόνα̤ έρθαν
να χτίζ’νε τα φωλόπα ‘τουν ‘ς σ’ οπερσυζ’νά τα μέρα̤.
Εβγαίν ο Κούκον ‘ς σο κλαδίν κι η κίσσα χτίζ’ φωλέαν
και τ’ άσπρα τα σ̆ορσ̆όταινας χαμελά κατηβαίν’νε
τα ζά εβγαίν’νε ση βοσ̆κήν, τα θερά̤ ΄ς σο κυνήγιν
αντιβοούνε τα ραχ̆ά̤, αντιδονούν τ’ ομάλα̤
όλα̤ τη ‘ής τα πλάσματα, σύρκουν να ζευγαρούνταν΄
θα βγαίν’ κι η κόρη ΄ς σον Παρχάρ’ να γίνεται Ρομάννα.
Άνοιξη φέρει τη Λαμπρήν και το Χριστός Ανέστη,
Άνοιξη φέρει τη ζωήν τη χαράν και το γέλος,
πάντα να έτον άνοιξη, πάντα καλοκαιρία.
Κρωμέτ'κα Τραγωδίας - Δημώδη άσματα Κρώμνης Πόντου. (Δημητρίου Κ. Παπαδόπουλου Σταυριώτη). Λαογραφικόν Περιοδικόν Ποντιακή Εστία (1950). Στην ενότητα αυτών των βίντεο με τίτλο "Κρωμέτ΄κα Τραγωδίας" θα παρουσιαστούν παλιά δίστιχα της Κρώμνης, αφενός για να θυμηθούν οι παλιότεροι και αφετέρου για να μάθουν οι νεότεροι, ώστε να πατούν προσεκτικά πάνω στα βήματα των προγόνων, υιοθετώντας τον τρόπο σκέψης και γραφής των παραδοσιακών μας δημοτικών τραγουδιών.
Ποντιακή Ιστορία & Λαογραφία - Βασίλειος Β. Πολατίδης - www.kotsari.com
