• Home
  • Λαογραφία
  • Δημώδη Άσματα
  • Κρωμέτ'κα Τραγωδίας - Δημώδη άσματα Κρώμνης Πόντου: Αφιερωμένα στη σεβτάν (Δημητρίου Κ. Παπαδόπουλου Σταυριώτη). Λαογραφικόν Περιοδικόν Ποντιακή Εστία (1950)

Κρωμέτ'κα Τραγωδίας - Δημώδη άσματα Κρώμνης Πόντου: Αφιερωμένα στη σεβτάν (Δημητρίου Κ. Παπαδόπουλου Σταυριώτη). Λαογραφικόν Περιοδικόν Ποντιακή Εστία (1950)

Νέοι Κρωμναίοι με την καθημερινή αστική τους αμφίεση. Κρωμέτ'κα Τραγωδίας - Δημώδη άσματα Κρώμνης Πόντου αφιερωμένα στη σεβτάν

Η σεβτά έν’ αρρώστια λαρωμονή κ̆ι παίρει,
ναϊλλοί που βουρουλεύκεται πάντα θα υποφέρει.

Παρακολουθείστε το αφιερωματικό μου βίντεο

Η σεβτά έν’ αρρώστια, ναϊλλοί τήναν σουμώνει,
μαραζών’ την καρδίαν ατ’ το αίμαν ατ’ θολώνει.

Η σεβτά όνταν αρχινά, κρυφά-κρυφά απλούται,
ριζών κλαδών’ και τζιτζεκών’ κι επεικεί φανερούται.

Η σεβτά μ’ ‘ς σα Λιβαδία κι εγώ κείμ’ αφκά ΄ς σ’ ορμία,
έλα σεβτά μ’ χαμελά κι η καρδία μ’ ας γελά.

Σεβτά γιατί εφώλεψες αδαπέσ’ σο καρδόπο μ’ ;
ερρίζωσες κι εκλάδωσες θα σύρτς και παίρτς το ψ̆όπο μ’.

Τον σεβταλήν όνταν τερώ κρούγ’νε ‘ς σο νού μ’ ντ’ εποίν΄να
χ̆ίλ’ νομάτ’ εδα̤ρμένευαν κι εγώ ωτίν κ̆ι εδίν’ να.

Το σεβταλούκ’ κ̆ι γίνεται και με την αμελίαν
γίνεται με την καλατζήν και με τη μασχαρίαν.

Το σεβταλούκ’ κ̆ι γίνεται μόνον με το λασίον,
γίνεται με το παρακάθ’ και με το καθησίον.

Το σεβταλούκ’ το έρημον έχ̆’ τρανά δυσκολίας,
ώσνα θα πετσ̆αρεύ’ ατό, ασπρύν’νε τα μαλλία σ’.

Σεβταλή γεράν έχω, γιατρικά ‘κ̆ι αλείφκουμαι,
φιλώ και κλαινίζω ‘σε με τα δάκρα̤ σ΄ νίφκουμαι.

Σεβταλήν παιδίν είμαι μη κατηγοράτε ΄με
το καρδόπο μ’ καίεται και ‘κ̆ι παρ’γοράτε ‘με.
Σεβταλής παιδάς είμαι η σεβτά μ’ τρανόν πελά̤ν,
αν ‘κ̆’ ευρήκω γιατρικόν τ’ άλλα είναι να̤φιλά̤ν.

Κρωμέτ'κα Τραγωδίας - Δημώδη άσματα Κρώμνης Πόντου (Δημητρίου Κ. Παπαδόπουλου Σταυριώτη). Λαογραφικόν Περιοδικόν Ποντιακή Εστία (1950). Στην ενότητα αυτών των βίντεο με τίτλο "Κρωμέτ΄κα Τραγωδίας" θα παρουσιαστούν παλιά δίστιχα της Κρώμνης, αφενός για να θυμηθούν οι παλιότεροι και αφετέρου για να μάθουν οι νεότεροι, ώστε να πατούν προσεκτικά πάνω στα βήματα των προγόνων, υιοθετώντας τον τρόπο σκέψης και γραφής των παραδοσιακών μας δημοτικών τραγουδιών.

Ποντιακή Ιστορία & Λαογραφία – Βασίλειος Β. Πολατίδης – www.kotsari.com  

Pin It

Print

Add comment


Security code
Refresh

ΣΧΕΤΙΚΑ ΑΡΘΡΑ