• Home
  • Λαογραφία
  • Δημώδη Άσματα
  • Εκάεν και το Τσ̆άμπασην - Χρονικά Πόντου, Αθήναι 1943 Το φημισμένο και πολυτραγουδισμένο Τσάμπασην των Κοτυώρων του Πόντου

Εκάεν και το Τσ̆άμπασην - Χρονικά Πόντου, Αθήναι 1943 Το φημισμένο και πολυτραγουδισμένο Τσάμπασην των Κοτυώρων του Πόντου

Το φημισμένο και πολυτραγουδισμένο θέρετρο των Κοτυώρων του Πόντου, Τσ̆άμπασην.Εκάεν και το Τσ̆άμπασην / Χρονικά Πόντου, Αθήναι 1943

Εκάεν και το Τσ̆άμπασην κι επέμ’ναν τα τουβάρα̤,
ερρούξαν σο χουρτάρεμαν τ’ Ορτούς τα παληκάρα.̤

Ούλ΄ τρέχνε κι ούλ’ αγληγορούν, πράματα να γλυτών’νε,
βαρκίζ’νε και παρακαλούν ούλα̤ να ευκαιρών’νε.

Ακούστε ένα δημώδες άσμα απο τον Σταύρη Πετρίδη

Τρανόν γιαγκούν σο Τσ̆άμπασην σπίτα̤ κι θα ‘πομέν΄νε
τρανοί μικροί, φτωχοί, ζα̤γκίν, ούλ’ κάθουνταν και κλαίνε.
Ρακάνα̤ εκαπνίγανε τ’ ορμία ετσουρώθαν,
σαχτάρα̤ εστοιβάγανε οτζάκια εκαρακώθαν.
Εκάεν και το Τσ̆άμπασην γιάβρουμ τιδέν ‘κ̆’ επέμ’νεν,
ραχ̆ία και λιβαδόπα άλλο χορτάρ’ ‘κ̆ι φέρ’νε.
Τ’ αρνόπα και τα πρόγατα, τ’ ομάλι͜α, τα παϊρ͜ια,
τ’ ορμία και τ’ ορμόχ̆ειλα εγέντανε για̤σίρα.̤
Κλαίγνε τα πουλόπα τ’ άχαρα κλαίν’ τα πεγαδομάτα̤,
κλαίει το Τσ̆αμπλούκ, το Καρα-Κ͜ιόλ, κλαίν’ τ’ έμορφα τ’ ελάτα̤̤.
Εκάεν και το Τσ̆άμπασην, Θέ μ’ ντο κακόν εγέντον
ας έξερα η τύχη μουν άλλο ντο έχ̆’ γραμμένον.  Παρακολουθείστε το αφιερωματικό μου βίντεο στη ζωή των Ελλήνων στο θέρετρο Τσάμπασην

Λεξιλόγιο
Ερρούξαν = χύμηξαν / γουρτάρεμαν & γουρτάρεμαν = γλύτωμα / βαρκίζω = φωνάζω δυνατά / ευκαιρώνω = αδειάζω / γιαγκούν = πυρκαϊά / ζα̤γκίντς = πλούσιος / ρακάνα̤ = ράχες βουνών / ετσουρώθαν = στέρεψαν / σαχτάρα̤ = στάχτες / καρακώθαν = έκλεισαν / τιδέν = τίποτε / για̤σίρι͜α = ορφανά (κυριολεκτικά σημαίνει αιχμάλωτα) / ορμόχ̆ειλα = οι άκρες των ρεματιών / παϊρι͜α = ανηφοριές, οι πλαγιές των βουνών / αλάτ̆α̤ = έλατα (δέντρα) / ντό = τι

Ποντιακή Ιστορία & Λαογραφία - Βασίλειος Β. Πολατίδης - www.kotsari.com 

Pin It

Print

Add comment


Security code
Refresh

ΣΧΕΤΙΚΑ ΑΡΘΡΑ