Κόρασον εκουρφεύκουτον. Δημοτικά τραγούδια περιοχής Σταυρίν / Συλλογή του κ. Ηλ. Α. Τσιρκινίδη (Αφήγηση κ. Μαγδαληνής Αντωνιάδη). Χρονικά του Πόντου - Τεύχος 10ον
Κόρασον εκουρφεύκουτον: τον Χάρον ‘κ̆ι’ φοούμαι,
γιατί τ’ οσπίτα̤ μ’ είν’ ψηλά τ’ αυλό̤νας ι-μ’ πλατέα
γιατί και τα ν’αδέλφα̤ μου άξια παλληκάρα̤.
Κόρασον εκουρφεύκουτον. Δημώδες άσμα Σταυρίν. Χρονικά του Πόντου 1943 Ηλ. Τσιρκινίδη
Χάρος στην πόρταν έστεκεν στο παραθύρ’ αφοκράτον.
Έλα κόρ’, ας παλεύομε στο χάλκενον τ’ αλώνι σ’.
Εσύ και αν παλεύ’ς εμέν’ να σας τ’ εσά τ’ αδέλφα̤
κι εγώ και αν παλεύω ‘σεν να σαν τ’ εμόν τη μάναν.
Επήγαν και ν-επάλεψαν, κόρασον ενικέθεν.
Στρώσο ‘με μάνα μ’, στρώσο ‘με, θανατικόν κρεβάτιν,
να έν’ μακρύν, να έν’ πλατύν να εχωρώ και κ̆είμαι,
χάλασον και σην τσ̆έπη μου κι έπαρ’ τ’ ανοιγαρίτσ̆α,
άνοιξον το σουντούκι μου το κατακλειδωμένον
κι έβγαλ’ μάνα μ’ τα ρούχα μου τα καταδιπλωμένα,
μάνα μ’ ντ’ εφόρνα τη Χριστού, ντ’ ενέλλαξα τα Φώτα
και ντο εφόρ’να την Λαμπρήν και το Χριστός Ανέστη.
Δημοτικά τραγούδια περιοχής Σταυρίν / Συλλογή του κ. Ηλ. Α. Τσιρκινίδη (Αφήγηση κ. Μαγδαληνής Αντωνιάδη) - Χρονικά του Πόντου - Τεύχος 10ον
Ποντιακή Ιστορία & Λαογραφία - Βασίλειος Β. Πολατίδης - www.kotsari.com
