Για τέρ’ μάννα μ’ ντο λέγ’νε ‘με τη χώρας τα παιδία. Δημώδες άσμα Σταυρίν. Συλλογή του κ. Ηλ. Α. Τσιρκινίδη. Χρονικά του Πόντου 1945
Για τέρ’ μάννα μ’ ντο λέγ’νε ‘με τη χώρας τα παιδία,
λέγ’νε ‘με μάννα μ’ λέγ’νε ‘με κάτ’ αποθάν’τς και χάσαι.
Τα χώματα μ’ σ’ ομμάτα̤ ‘τουν, γιατί να αποθάνης;
Για τέρ’ μάννα μ’ ντο λέγ’νε ‘με τη χώρας τα παιδία. Δημώδες άσμα Σταυρίν, Συλλογή 1945
Λέγ’νε ‘με μάννα μ’, λέγ’νε ‘με λέγ’νε ‘με πολλά λόγι͜α,
λέγ’νε ‘με μήλον κόκκινον, κυδών’ σκουτουλιγμένον.
Αν λέγ’νε κόρ’, ας λέγ’νε ‘σε αλήθα̤ μήλον είσαι,
είσαι μηλόπον κόκκινον, κυδών’ σκουτουλιγμένον.
Λεξιλόγιο:
* αποθάν’τς = αποθάνεις - πεθαίνεις
* χάσαι = χάνεσαι
* κυδών = κυδώνι
* σκουτουλιγμένον = ευωδιαστό
* μηλόπον = μηληράκι (υποκοριστικό του μήλου)
Δημώδες άσμα Σταυρίν -:- Συλλογή του κ. Ηλ. Α. Τσιρκινίδη (Αφήγηση κ. Μαγδαληνής Αντωνιάδη) -:- Χρονικά του Πόντου 1945 - Τεύχος 10ον
Ποντιακή Ιστορία & Λαογραφία – Βασίλειος Β. Πολατίδης – www.kotsari.com