Πάει η νύφε σο νερόν. Χορός Τ̆ίκ. Λαογραφικά Κοτυώρων Πόντου Άκογλου Ξενοφώντα.
Πάει η νύφε σο νερόν την ημέραν δεύτερον,
παίρ’ και πά͜ει κι έναν σταμνίν έναν πά μικρόν λαγίν.
Πάει η νύφε σο νερόν. Χορός Τ̆ίκ. Λαογραφικά Κοτυώρων Πόντου Άκογλου Ξενοφώντα
Φέρ’ γομών’ έναν χαλκόν και ποτίζ’ και το γαρκόν,
φέρ’ γομών’ και το πιθάρ’ και ποτίζ’ και το μουσκάρ’.
Φέρ’ γομών’ κι έναν καζάν’ να ποτίζ’ και τ’ άλλα ζά,
βάλ’ ποτίζ’ την Σουμαδίαν και την άλλεν την Ποζίαν.
Και η γραία η μαμμή, η πεθερά τ’ς η Κ̆ανή,
έν’ κι ατέ καματερέσσα και πολλά πά ΄γροικισμέντσα.
Κάθετ’ αφκά ‘ς σο τσ̆αρτάχ’, κλώθ’ γυρίζ’ και το αδράχτ’,
κλώθ’ και κάμ’ και τ’ αρνομάλλα̤ και ε͜υτάει ατα κουβάρα̤,
για να πλέκ’ α̤τα ορτάρα̤ - για να πλέκ’ α̤τα ορτάρα̤.
Κι ο Τ̆αχμά͜ης ο Παναέτας, τσ̆ίπ’ ο Πάνον Γαργαέτας,
να̤ μέλ’ κάμ’ και νά̤ κερίν κι όλον τρέχ̆’ αδά κι εκεί,
όλον τρέχ̆’ αδά κι εκεί και τ’ οσπιτ’ν ατ’ ‘κ̆ι τερεί.
Κάθεται ‘ς σα μαχαλάδες με γυναίκ’ς και με κυράδες,
λέ͜ει κι ακού͜ει με τοι γυναίκ’ς καλατζ̆εύ και με απέσ’,
λέει κι ακούει και με νυφάδες, τσουρμουλίζ’ και τοι χ̆οράδες.
Λαγγεύ’ σ’κούται κι είνας χ̆όρα, η καλόγρα̤ η Θοδώρα,
Ναίπαι, λέ͜ει ατόν, παιδά, για στραμπίγ’ απαδακά.
Για στραμπίγ’ απαδακά, μ’ ευτάγω σ’ απάν’ αφκά.
Κι ο Τ̆αχμά͜ης αχπαραμένος, όπως έτον ντροπα̤γμένος,
κρού͜ει το κότσ’, φεύ’ απεκεί, άλλ’ οπίσ’ πα ‘κ̆ι τερεί.
Σημείωση: Το τραγούδι τούτο, μέλος και στίχοι, όπως και τα δύο προηγούμενα είναι από ανέκδοτα, της στιγμής, δημιουργήματα του παλαιού φημισμένου λυράρη των Κοτυώρων Ηλία Τάμαλαλου που πολύ τραγουδήθηκαν και που σώζονται ακόμα στο στόμα των γεροντότερων Κοτυωριτών. Τα δύο προηγούμενα τραγούδια στα οποία αναφέρεται ο κ. Λαμψίδης είναι: "Ερία και-ν ερία" ή "Τραγώδεσα, τραγώδεσα κι εκόπεν το λαλόπο μ’" (Τίκ χορός σε ήχο Τέταρτο Λέγετο) και το "Ποίον ραχ̆ίν κρατεί βρεχ̆ήν" (Τίκ χορός επίσης, σε ήχο Πλάγιο του Πρώτου).
Πάει η νύφε σο νερόν. Χορός Τ̆ίκ, ήχος Πλάγιος του Πρώτου, Ρυθμός πεντάσημος, Χρόνος μέτριος γοργός, Απόδοση Ανατολής Παυλίδη. Λαογραφικά Κοτυώρων Πόντου Άκογλου Ξενοφώντα. Τραγουδά η εικοσαμελής βυζαντινός χορός του Γεωργίου Κακουλίδη.
Ποντιακή Ιστορία & Λαογραφία – Βασίλειος Β. Πολατίδης – www.kotsari.com
