Ο Μουχαήλ Αχράγγελον – Λαϊκές Ιστορίες (Παραμύθια) από την Ίμερα και την Σάντα
Ο Μουχαήλ Αχράγγελον επήγεν σ’ έναν οσπίτ’ και θα εβάφτιζεν έναν παιδίν. Σίτα̤ εβάφτιζεν ατό, εδέβασεν ΄ς σο κατσίν αθες πως όλον ύστερ’ ατό το παιδίν ο λύκον θα τρώγ’ α̤το. Ενούν'τσεν κι επενούν'τσεν πως να γουρταρεύ’ το παιδίν ασό λύκον.
Ο Μουχαήλ Αχράγγελον – Λαϊκές Ιστορίες (Παραμύθια) από την Ίμερα και την Σάντα. Έχτ’σεν έναν γιαλένεν οσπίτ’, εσέγκεν ατό εκειαπέσ’ και ο ίδιον πάντα έφερνεν ατό το φαϊν αθες. Το παιδίν ετράνινεν και έρθεν σην ηλικίαν να γυναικίζ’. Ετοίμασαν την νύφε και γιάμ’ τρώγ’ το παιδίν ο λύκον, ση σπιτί την πόρταν εποίκαν τα στεφανώματα. Εφέκεν από βραδύς το παιδίν με τη νύφε και εκλείδωσεν Αχράγγελον και επαίρεν τ’ ανοιγάρα̤. Από πουρνού πα ένοιξεν την πόρταν και θα τερεί ντ΄εφτάγνε. Όντες τερεί, ντο τερεί; Ολίγα στούδα̤ εκείσαν σ’ έναν άκραν ‘κειεκά και η νύφε έστεκεν εκειάν’ με ματωμένα τα δόντα̤ και ο παιδάς πουδέν ‘κ̆ι φαίνεται.
«Ντ’ εέντονε, νε κουτσ̆ή άντρας ις;» - ερωτά ο Αχράγγελον
«Εγέμ’ λύκος και έφαγα τον απόψ΄!»
Ατότε Αχράγγελον ενούν’τσεν: «Έχ̆’ ο Θεόν ντο γράφ’, εγώ επολέμεσα να απογράφω»
Σ’ ανθρωπί το κιφάλ’ ίντα̤ν εγράφεν – εγράφεν. Κανείς ‘κ̆’ επορεί ν’ απογράφ’ α̤το. Το παιδίν ασό λύκον θα εδα̤βαίνεν. Λύκος ‘κ̆’ επόρεσεν να εμπαίν’ απέσ’. Εγέντον η γυναίκα τ’ λύκος και έφαγεν ατόν!
"Ο Μουχαήλ Αχράγγελον" Λαικές Ιστορίες Παραμύθια Ίμερας & Σάντας Πόντου. Πηγή: R.M. Dawkins καθηγητού του πανεπιστημίου της Οξφόρδης (Αγγλία)Ποντιακή Εστία τεύχος 21-22 Λαογραφικά Σύμμεικτα Πόντου. Ήθη, έθιμα, Γλωσσικά Ιδιώματα, Παροιμίες, Θρύλοι & Παραδόσεις.
Ποντιακή Ιστορία & Λαογραφία - Βασίλειος Β. Πολατίδης - www.kotsari.com
