Χαρίζ’ έναν ... θάμαν! Λαϊκές ιστορίες (ανέκδοτα) από τον Πόντο - Κάρς - Α. Γραμματικόπουλου
Σ’ έναν χωρίον Καρσλίδικον ‘ς σο Μεταλλικόν, ετσάϊζεν τα χάρτα̤ ο θείον ο Νικόλας ο Τσιλιγγάρτς.
Ερχίνεσεν η σατσ̌ού (το χάρ’) και ο θείον ο Νικόλας ετσάϊζεν: Ο Σάββας χαρίζ’ έναν καμίσ’. Ο Κολα̤ρίνα χαρίζ’ έναν πεσ̌κίρ’. Η Βαρβάρα πα έγκεν να χαρίζ’ έναν λεμονιέραν. Αρ’ εδέκαν-α τον Νικόλαν. Εκείνος σίτα̤ τερεί ατο και σίτα̤ τσαϊζ’ «Η Βαρβάρα τη Πάγκονος η νύφε χαρίζ’ έναν …έναν..έναν θάμαν!». Ο μαύρον, ‘κ̌’ έξερεν ντο έτον. Κάρς - Α. Γραμματικόπουλου Χαρίζ’ έναν …… θάμαν!
Λαϊκές ιστορίες (ανέκδοτα) από τον Πόντο - Κάρς - Α. Γραμματικόπουλου Χαρίζ’ έναν …… θάμαν! - Πηγή: Ποντιακή Εστία
Λεξιλόγιον
• Ετσάϊζεν = φώναζε – εκφωνούσε
• Τα χάρτα̤ = τα χαρίσματα – τα δώρα του γάμου
• Σατσ̌ού (το χάρ’) = το έθιμο του χαρίσματος των δώρων
• Καμίς = πουκάμισο
• Πεσ̌κίρ’ = πετσέτα
• Σίτα̤ = καθώς – εν’ όσω
• Θάμαν = θαύμα – κάτι παράξενο
• Μαύρον = ο δυστυχής
Διαλεκτολογία Πόντου - Ιστορία & Λαογραφία - Βασίλειος Β. Πολατίδης - www.kotsari.com
