Ο ποπάς κ’ η ζουρνά τ’ - Ανέκδοτες διηγήσεις Σάντας Χαλδίας Πόντου - Μιλτιάδη Νυμφόπουλου
Ὁ πoπᾶς κ’ ἡ ζουρνά τ’ - Ανέκδοτες διηγήσεις Σάντας Χαλδίας Πόντου - Μιλτιάδη Νυμφόπουλου
Σὴ Σαντὰ ἕνας ποπᾶς ἔτον ἀγράμματος καὶ ὀλίγον τεβεκελής. Ποπαδικὴν ’κ̌’ ἐλογάριαζεν, ἤνταν ἐπρόφτανεν ἔλεεν, τάξην ’κ̌’ εἶχεν, τὸν Θεὸν ’κ̌’ ἐφοβάτον. Ἕναν ἡμέραν ὁ Δεσπότης ὁ Γερβάσιον ἐταζιρλάψεν ἄτον γιὰ τοῦ ‘κ̌’ εἶχεν τάξην. Ἔμαθεν ὁ Δεσπότης ντὸ παίζ’ καὶ ζουρνὰν καὶ ἐφοβέρτσεν ἄτον. ’Ατότες ὁ ποπᾶς ἐξάντυνεν (ζατὶ ζαντὸς ἔτον) καὶ εἶπεν τὸν Δεσπότ’: Δεσπότ’ ἐφέντη, ἔθαρεῖς κάτ’ ἐπορεῖς κ’ ἐφτᾶς με; Τὸ καλυμάφ’-ι-μ’ παίρτς, τὸ ράσο μ’ πὰ παίρτς, τὸ πετραχῆλ’-ι-μ’ πὰ παίρτς, ἄμα τὴν ζουρνά μ’ ἐπορεῖς καὶ παίρτς; Ποντιακή Διαλεκτολογία, Ιδιωματισμοί της ποντικής Διαλέκτου, λήμματα, ερμηνεία, ετυμολογία
Λεξιλόγιο: τεβεκελής = λ. τ. tevek-keli, κουτός, ἡλίθιος· ἐταζιρλάψεν = λ. τ. tazirlamak, ἐπέπληξε· ζουρνά = ὁ ζουρνᾶς, πνευστὸ ὄργανο· ἐξάντυνεν = τρελάθηκε.
Διαλεκτολογία Πόντου - Ιστορία & Λαογραφία – Βασίλειος Β. Πολατίδης – www.kotsari.com
