Για τα παράδες! Ανέκδοτη διήγηση του Φίκα εκ Κρώμνης Πόντου
Ὁ Γερίκας ὁ Κούντουρον έτον πολλά ἄρχontαs. Οὒλα̤ τα καλά εἶχ̌εν, ἄμαν ‘ς σό χωρίον ἀτ τ’ ἀχουّλ-ν ἀτ πολλά κ̌’ ἐπεγα̤νέφκουσαν ἀτό, καί ’ς σά κοινοτικά κ’ ετάραζαν ἀτόν.
Ἄμαν πάντα εἶχαν καί τήν ἀνάγκην ἀτ’... Ἀχουّλ πολλά ἄν κ̌’ εἶχεν, εἶχεν εἴπαμε πολλά παράδες. Μίαν οἱ χωρέτ’ ἐθέλ·ναν νά παίρ·νε ἵναν δάσκαλον γιά τό σχολεῖον τῆ χωρί. Ὁ δάσκαλον ἔτον ἐξακουστός, ἄμαν ὁ μισθὸν ντ’ ἐψαλάφανεν τρανὸν ἔτον, κι’ ἐκεῖν’ ἀτόσας παράδας κ̌’ εἶχαν. Ἐπροσκάλεσαν τόν Γερίκας ’ς σήν συνεδρίασιν οἱ μειζοτέρ’ καί ἔνοιξαν ἐξώφυλλα τήν καλατζήν γιά τό σχολειῖον καί γιά τόν δάσκαλον...Ὁ Γερίκας ὄνταν ἐτέρεσεν ντό ἐρωτοῦνε τήν γνώμην ἀτ’, ἐσκῶθεν ἀ σό σκαμνίν ἀτ’ κ’ ἐρχίνεσεν ν’ ἐβγάλ’ λόγον: «’Ἀκοῦστεν!.. τά γράμματα πα καλά εἶν’, ἄμαν τ’ ὀλίγα... Τά πολλά κανίναν κ̌’ ἐγα̤ράεψαν!... Ἐγὼ ὀλίγα γράμματα ἔμαθα καί δόξα ’ς σὸν Θεόν, πεινασμένος κ̌’ ἐπέμ-να...» Καί ἔλεγεν καί ἔλεγεν... καί τελεμονήν κ̌’ εἶχεν... ’Ἀνάμεσα ’ς σοὶ μειζοτέρ-τ ς ἔτον κι’ ὁ Γιορδάν-τ ς τῆ Ποππᾶ. «Поππᾶ παιδίν, δα̤βὸλ ἐγγόν», ντό λέγ-νε. — Πάσ̌α Κούντουρε, εἶπεν ἀτόν, τό λόγο σ’ μέ τό μέλ’ ἔκοψα, ἄμαν κἄτ’ θ’ ἐρωτῶ σε ! Ἀτά οὒλα̤ ντό λές, για̤τί λές ἀτα; ’Ετέρεσεν ἀτόν ἀπό πὰν οὓς ἀφκὰ ὁ Γερίκας καί λέγει ἀτον.—’Ἐπροσκάλεσετέ με νά λέγω σας τήν γνώμην μ’... Τήν γνώμην μ’ δίγω σας...—Γιόκ ῥίζα μ’, λέγει ἀτόν κι’ ὁ Γιορδάν-τ ς. Ἐμεῖς γιά τήν γνώμη σ’ καί γιά τ’ ἀχουλά̈ σ’ κ̌’ ἔτον... γιά τά παράδες-ἰς ἐπροσκάλεσαμε σε... Διαλεκτολογία Πόντου, Ιδιωματισμοί της Ποντικής Διαλέκτου, λήμματα, ερμηνεία, ετυμολογία, διηγήσεις, θρύλοι, μύθοι
Για τα παράδες! Ανέκδοτη διήγηση του Φίκα εκ Κρώμνης Πόντου
Διαλεκτολογία Πόντου – Ιστορία & Λαογραφία – Βασίλειος Β. Πολατίδης – www.kotsari.com
