Το τσουπίν...Ανέκδοτη διήγηση Χαλδίας Πόντου του Αν. Ν. Νικολαϊδη
Τη Παπανικόλα ο Θόδωρον ασ’ σην Κορόνιξαν, ο δέσκαλον, επένεν Χορτοθερή ’ς σο Ματέν κεκά με τη γατουρτσήδας.
’Σ σην στράταν ούλ’ οι γӧλτζήδες εκάγαν ασ’ σην δίψαν, νερόν κ̌’ είχαν, άμα, ίλε ο ναζίξ ο δέσκαλον. Όνταν εκατέβαν ’ς σο πεγάδ’ κεκά ντο είχ̌εν το χαβούζ απ’ οπίς’ μερέαν και πισ̌τοφή λουλέν απ’ εμπροστά, και ’ς σην λουλέν κάν έναν τσουπίν να κρατή το νερόν να τοπλαέφκεται, οι γӧλτζήδες είπαν τον Θόδωρον.
— Δέσκαλε. ’Εσυ ασ’ ούλ τς πολλά εδίψασες. Σιφτέν εσύ πία. Ο Θόδωρων εσούμωσεν ’ς σο πεγάδ. ’Εκράτεσεν το χ̌έρ’-ν-ατ αφκά ’ς σην λουλέν κ’ έσυρεν κ’ επήρεν το τσουπίν για να τρέχ̌’ το νερόν. Το νερόν άμον τ’ εκατέβεν σπιχτά ’ς σο χέρν’ αν’ απέσ’, ελάγκεψεν ’ς σα κατσί-ατ’ κιάν, κ’ εποίκεν άτον λουλούτς! Ο δάσκαλον ερεθίστεν. «’Εσυ αγοίκον αφορισμένον να μη έζνε το τσουπιν ’ς σο τρυπί σ’ κ̌’ εβάλναν!..» είπεν ατο. Το χωρίον Κορόνιξα ή Κορόξενα της επαρχίας Χαλδίας του Πόντου
Το τσουπίν...Ανέκδοτη διήγηση Χαλδίας Πόντου του Αν. Ν. Νικολαϊδη Διαλεκτολογία Πόντου, Ιδιωματισμοί της Ποντικής Διαλέκτου, λήμματα, ερμηνεία, ετυμολογία, διηγήσεις, θρύλοι, μύθοι
Διαλεκτολογία Πόντου – Ιστορία & Λαογραφία – Βασίλειος Β. Πολατίδης – www.kotsari.com
