• Home
  • Γλώσσα
  • Λαογραφικά Γλωσσικά Σύμμεικτα Τριπόλεως Πόντου

Λαογραφικά Γλωσσικά Σύμμεικτα Τριπόλεως Πόντου

τρίπολη,πόντου,ποντιακή,γλώσσα,ιδίωμα,τρίπολης"Η εξορία "
Εκ του ιδιώματος της Τριπόλεως

Με τοι Τούρκους έστεκαμ' καλά, φόβο πα ΄κ̌' εβοφούμουνεστιν. Οι Τούρκοι έλεγαν εμασε : "α...οσήμερο θα φτάμε εσάς εξορία, α αύρι'". Οι Τούρκοι έλεγαν εμασε "κιαούρ".

Παρακολουθείστε το σχετικό μας βίντεο

Κ' επεκεί επήρε η Ρουσία την Τραπεζούντα κ' επεκεί έρθεν ΄ς σην Ελεού (εννοεί Ελεβή), κ' επεκεί ΄ς σην Χαρκάβαλα ΄ς σο ποτάμ' αφκά. Κ' εσύρεναν οι Ρούσοι τα κανόνια̤ ΄ς σην Τρίπολι απέσ' κ' εφοβούμουνεστιν κάπ' σκοτούμεστιν κ' επαίρεναμε τα μωρά μουν κ' εκρύφκουμνεστιν ΄ς σα μαγαζία. Οι Τούρκοι έφευαν 'ς σα χωρία τουν για να μη σκοτούνταν.

Ατώρα λέγουμε εμείς : "ντο να ποίουμε και ντο νάφτάμε ; " Ατώρα εμείς εγόρασαμε τέσσερα σανίδια̤ κ' εποίκαμε ένα λούτρι (μικρό σκάφος). Τη νύχτα 'ς σα μεσάνυχτα εφορτώθαμ' ατο κ' έσυραμ' ατο ΄ς ση θάλασσα κ' επήραμε έναν εικόνα και δύο κομμάτια̤ χαρτώματα (λεπτά σανίδια) κ' εποίκαμ' ατα κωπία κ' έσυραμ' ατα ΄ς ση θάλασσα να πάμε ΄ς ση Χαρκάβαλα ΄ς Ρούσους.

Είδαν-ε εμας-ε εκείνοι κ' εχάραν-ε κ' εποίκανε φωτία και εχλέθαμε. Εδέκαν-ε μας-ε φαεί κ' έφαγαμε, έδεκαν-ε μας-ς λώματα κ' εφόρεσαμε. Απ' εκεί επήαμε ΄ς σην Ελεού κ' ερώτεσαν-ε μας-ε : "Πως έφυετε κ' έρθετεν αδά ;" Είπαμε κ' εμείς : " Οι Τούρκοι θα έκοφτεναν-ε μας-ε κ' έρθαμε αδακέσ'" Ο Ρούσσον ασσήν Ελεούν έστειλε μας-ε ΄ς σην Τραπεζούνταν κι απ' εκεί επέρασαμε 'ς σην Ρουσίαν.

Πηγή :
Ακαδημία Αθηνών - Λεξικογραφικόν Δελτίον - Γραμματική της Ελληνικής Διαλέκτου Του Πόντου
Δ.Η.Οικονομίδου (Διευθυντού του Μεσαιωνικού Αρχείου της Ακαδημίας Αθηνών)
Αθήνα 1958

Pin It

Print

Add comment


Security code
Refresh

ΣΧΕΤΙΚΑ ΑΡΘΡΑ