Αρπά-Τσαϊ - Λαογραφικά Σύμμεικτα Κάρς
Οι πα̤λοί 'μουν έλεγαν για τ' Αρπά-Τσ̌αϊ πως επήρεν τ' όνομαν αχτερ. Αρπά το κουρθάρ' λένε. Μίαν αράτσ' είναν είπαν ατον : "'α 'ίνεσαι πρόερας απέσ' 'ς σο χωρίον". Ατόν κανείς 'κ̌' ελογαρίαζεν ατον, ο ίδι̤ον πα τον νιαυτόν ατ' 'κ̌' ελογαρίαζεν ατον. Λέει α̤τ'ς : "Λόγον 'κ̌ι' δίγω σας, ας πάγω 'ς σ' οσπίτ' κι' έρχουμαι και λέγω σας".
Δείτε το σχετικό βίντεο για το Αρπά-Τσαϊ - Λαογραφικά Σύμμεικτα Κάρς
Επήεν 'ς σ' οσπίτ', εκειαπέσ' έταν τα παιδία τ', τα νυφάδα̤ τ', ούς είκοσι ψυχάς, και είπεν ατ'ς : "Αβούτα τα κουρθάρα̤ φορτώστε 'ς σ' αραπάδας και δεβάτε σύρτ' α̤τα 'ς σο ποτάμ' " Ατός με τ' ατό εθέλ'νεν να τέρν'νεν, δά̤ν' ο λόγος ατ' ; Ατείν εσ'κώθαν, εφόρτωσαν τα κουρθάρα̤ κι' επήγαν έσυραν ατα 'ς σο ποτάμ'. Άτς πα ατός έντον πρόερας τη χωρί. Απ' ατότε κιάν ισ̌τέ λένε το ποτάμ' "Αρπά-Τσ̌αϊ", τεμά̤κ : κουρθαρί' ποτάμ'
