Λαογραφικά Γλωσσικά Σύμμεικτα Παζάρ Σουϊν Κερασούντας
Χουτούρ Άϊος
'Σ σο Παζάρ'- Σουϊν τη Κερασούντας, τα ταφία τα παλαιά, τ' έλεγαν Βυζαντινά έταν, έταν θαματουργά. Εκεικά έτονε εγκλεσία τ' Ά-Γιαννί' και ήνταν χαϊβάν έδεναν απέσ' 'ς σα ταφία, κάποιος και εκοιμούτουν εκεικά, Ά-Γιάννες έρχουτουν 'ς σον ύπνον ατ' και έλεεν ατόν «σούκ έπαρ' το χαϊβάνι σ' κι οφύγον, εσέν πα 'ά χάνω και το χαϊβάνι σ' πα».
Οι Τούρκ' έλεγαν τον Άιον ατόν, «χουτούρ Άιος» και ατείν' πα εφογούνταν ατον.
Κώστας Σαγματόπουλος - Γενν 1925, Μικρόπολη Δράμας
Τ' Άε - Βασίλ' το βουνόν
Τ' εμετέρ' έλεγαν, αδακά ΄ς σο χωρίον εμουν το Παζάρ - Σουϊν (Κερασούντας), ΄ς σην Ορντούν μερέαν, το βουνόν λεν' ατο «Αι-Βασίλ'». Επειδή έτον εκεί απάν' εξορίαν Αϊ Βασίλτς
Κώστας Σαγματόπουλος - Γενν 1925, Μικρόπολη Δράμας
Ποντιακή Ιστορία & Λαογραφία - Βασίλειος Β. Πολατίδης - www.kotsari.com
