Λαογραφικά Γλωσσικά Σύμμεικτα Ακ Δάγ Μαδέν: Ο Άιον εμουν & Τα κιρία
Ο Άιον εμουν.
Εσ'χωρεμέντσα η μάνα μ' η Κερεκή ας σοι Τοσουνάντας, -απέσ' 'ς σ' Ακ Ντάγ Ματέν εκάθου'μνες- έλεε με: «Όντας 'α 'φεύαμε για την Ελλάδα, επήαν όλ' οι γαρήδες τη χωρί' απάν' ΄ς σο Τάσ-Πουγάρ, έτονε πεγάδ' εκεικά».
Κάποτε ατουκά εφανερώθεν Άε-Νικόλας κι ατείν' οι γαρήδες με τα μαύρα δάκρ ια έκλαιγαν κ' έλεγαν: «Πώς 'α 'φήνομαι αδά τον Άιον εμουν κι 'α πάμε 'ς σην Ελλάδαν;»
Τάσ-Πουγάρ = χωριό της περιοχής του Ακ-Ντάγ-Ματέν - Πηγή: Ουρανία (Ναζλού) Φώτογλου το γένος Μυστακίδου γενν, το 1922 - Χωριστή Δράμας
Τα κιρία
Ο κύρη μ' έλεεν απέσ' 'ς σο Άκ-Ντάγ-Ματέν εί χ εν τάλικαν και μετ' ατό εποίν'νεν κιρία. Κάποτε επέν'νεν και ΄ς σην Άγκυραν και εφέρ'νεν ΄ς σο Ματέν πράματα, πουρτία και τ' έναν και τ' άλλο, και εποίν΄νεν στράταν εξήντα δύο ώρας με τ' άλογα. Το βράδον εκοιμούτουν ΄ς σα χάν ια και ξάν επέν'νεν τον πουρνόν ΄ς σην στράταν ατ'
Λεξιλόγιο: Κιρία = αγώγια / Τάλικαν = είδος νταλίκας / Πουρτία = υφάσματα / Χάν ια = χάνια
Πηγή: Ουρανία (Ναζλού) Φώτογλου το γένος Μυστακίδου γενν, το 1922 - Χωριστή Δράμας
Ποντιακή Διαλεκτολογία & Λαογραφία - Βασίλειος Β. Πολατίδης - www.kotsari.com
