Εκάεν και το Τσ̆άμπασην / Χρονικά Πόντου, Αθήναι 1943

Εκάεν και το Τσ̆άμπασην κι επέμ’ναν τα τουβάρα̤,
ερρούξαν σο χουρτάρεμαν τ’ Ορτούς τα παληκάρα.̤

Κρωμέτ'κα Τραγωδίας - Δημώδη άσματα Κρώμνης Πόντου αφιερωμένα στο λήμμα “Ανάθεμα”

Ανάθεμα το διάταγμα σ’ και την στράταν ντο δείκ’ς ‘με
θα πάγω ‘κ̆ι θα κλώσκουμαι, θ’ αραγεύ’ς ‘κ̆ι θ’ ευρίκς ‘με.

Κόρ’ ΄ς ση Χαντσούκας το πεγάδ’ θα κείμες και κοιμούμες,
βρέχ̆’ ο Θεόν θα βρέχουμες, παίρ’ ο Ήλεν στεγνούμες.  

Κρωμέτ'κα Τραγωδίας - Δημώδη άσματα Κρώμνης Πόντου αφιερωμένα στην Παναγία Σουμελά

‘Ση Σουμελά την Παναγιάν θα παίρω κοινωνίαν,
ν’ έρχουμ’ αρνί μ’ ελέπω ‘σε με καθαρόν καρδίαν.